فخ التطور التكنولوجي

فخ التطور التكنولوجي 

بقلم مريم إبراهيم عبدالمطلب 

التكنولوجيا سلاح ذو حدين، وزي ما ليها مميزات خرافية ليها جانب مظلم بيأثر على حياتنا وصحتنا وعلاقاتنا

التكنولوجيا لما الشاشة تسرق منا الحياة

إحنا عايشين في عصر الكل متصل بالإنترنت بس الكل منفصل عن الواقع التكنولوجيا اللي اتعملت عشان تقربنا من بعض وتسهل حياتنا بقت في أوقات كتير هي العائق اللي بيمنعنا نعيش اللحظة بجد. لو بصينا حوالينا، هنلاقي إن الراحة اللي قدمتها لنا التكنولوجيا ليها ضريبة غالية بندفعها من صحتنا وتركيزنا.

 العزلة الاجتماعية في ثوب اللايك

أكبر خدعة وقعنا فيها هي إننا فاكرين إن السوشيال ميديا بتقوي علاقاتنا الحقيقة إننا بقينا بنقعد في قاعدة واحدة، وكل واحد باصص في موبايله

اختفاء لغة الجسد الكلام مابقاش فيه روح بقى مجرد إيموجي وشوية حروف

المقارنة القاتلة بنشوف صور حياة الناس المثاليه اللي هي غالباً تمثيل وبنحس إن حياتنا ناقصة، وده بيزود الإحباط والاكتئاب.

العقل اللي مابقاش بيركز

التكنولوجيا خلتنا مشتتين طول الوقت الإشعارات اللي مابتخلصش خلت قدرتنا على التركيز في حاجة واحدة لمدة طويلة صعبة جداً

الذاكرة الضعيفة بقينا بنعتمد على جوجل في كل معلومة تافهة فمبقاش عقلنا محتاج يبذل مجهود عشان يحفظ أو يحلل.

الإدمان الرقمي الدوبامين اللي بيطلع مع كل لايك أو شير خلانا مدمنين شاشات وبقينا بنضيع ساعات في حجات ملهاش أي لازمة.

 الصحة اللي بتضيع بالتدريج

التكنولوجيا خلتنا كسالى كل حاجة بتخلص بضغطة زرار وده أثر على أجسامنا بشكل مباشر

مشاكل النظر والظهر القعدة الغلط قدام الشاشات خلت شباب صغير بيشتكي من آلام الرقبة وضعف النظر.

اضطرابات النوم الضوء الأزرق اللي طالع من الموبايل قبل النوم بيلخبط الساعة البيولوجية وبيخلي جودة نومنا في الضياع

الخصوصية إحنا كتاب مفتوح

في عصر التكنولوجيا مفيش حاجة اسمها خصوصية بياناتنا صورنا وحتى الأماكن اللي بنروحها، متسجلة ومعروفه احنا بقينا سلعة بيتم دراسة سلوكها عشان يتباع لنا حاجات احنا ممكن نكون مش محتاجينها اصل