الخميس، 21 مايو 2026 05:42 ص
الحضانة بدري مش خطر
بالعكس مفيدة لطفلك
العلم بيقول عكس اللي متعودين عليه!
في وقت كتير من الأمهات بيعتقدوا إن الطفل لازم يفضل في حضن أمه لحد سن 3 سنين كشفت دراسة حديثة مفاجأة قلبت الموازين وهي إن التحاق الأطفال بالحضانة في سن مبكرة ممكن يكون مفيد جدًا لنموهم.
الدراسة اللي اتعملت على حوالي 40 ألف طفل أوضحت إن الأطفال اللي بدأوا الحضانة من عمر 6 شهور حققوا تطور ملحوظ قبل سن الثالثة خصوصًا في مهارات التواصل والحركة وحل المشكلات وكمان التفاعل الاجتماعي.
وأشارت النتائج إن الفرق الأكبر كان في قدرة الأطفال على التواصل مع غيرهم وده بسبب احتكاكهم المستمر بالأطفال واللعب الجماعي اللي ساعدهم كمان يطوّروا التحكم في حركتهم وتنسيقها بشكل أفضل.
النتائج دي بتفتح باب جديد لإعادة التفكير في طرق تربية الأطفال وبتؤكد إن الحضانة مش بس مكان لرعاية الطفل لكنها بيئة مهمة لتكوين شخصيته من بدري.
✍️دنيا عمرو
© AD Brand. All Rights Reserved. Designed by Adbrand Agency
Admin User
